Shocking Accident video Viral

बाईकची स्कॉर्पिओला धडक ३ सेकंदात दोघांचा मृत्यू; पाहा VIDEO

by

Shocking Accident video Viral: सोशल मीडियावर दररोज वेगवेगळे व्हिडीओ आपल्याला पाहायला मिळत असतात. हेच

व्हिडीओ आपलं मनोरंजन करतात. तसेच येथे आपल्याला असे काही व्हिडीओदेखील पाहायला मिळतात, जे आपल्याला

 

 

आश्चर्यचकित करतात. काही अपघात हे वाहन चालकाच्या चुकीमुळे होताना दिसतात, तर काही अपघात हे दुसऱ्याच्या चुकीमुळे

घडत असतात. सध्या असाच एक पश्चिम बंगालमधला व्हिडीओ सोशल मीडियावर व्हायरल होत आहे, जो अक्षरश: अंगावर काटा

आणत आहे. हा व्हिडीओ एक उदाहरण म्हणूनदेखील समोर आला आहे, ज्याला पाहून तुम्ही गाडी चालवताना किती सतर्क राहायला

पाहिजे हे दाखवत आहे. हा व्हिडीओ पाहिल्यावर तुमच्याही काळजाचा थरकाप उडाल्याशिवाय राहणार नाही. हा अपघात एवढा

भयानक आहे की याचा व्हिडीओ पाहून कुणाच्याही अंगावर काटा उभा राहील. मात्र, यात नक्की चूक कुणाची आहे हे कळत नाहीये.

 

 

‘अतिघाई संकटात नेई’ असे म्हणतात, याचाच प्रत्यय आला आहे. काहीवेळा लोक घाईगडबडीत अशा चुका करतात की ज्याचा त्यांना नंतर पश्चाताप होतो. जगात रोज कुठे ना कुठे अपघात होत असतात. वर्षभरात जगात हजारो लोक रस्ते अपघातात मारले जातात. कधी स्वत:च्या चुकीने अपघात होतो, तर कधी समोरच्या वाहनाच्या चुकीने अपघात होतो. कधी चालकाला डुलकी लागते, तर कधी गाडीवरील नियंत्रण सुटते; तर कधी गाडीचा वेग अधिक असल्याने अपघात घडत असतात. असाच एक अपघात समोर आला आहे.

नेमकं काय घडलं?

पश्चिम बंगालमधील कूचबिहार येथे हा भीषण अपघात झाला असून या अपघातात दोन दुचाकीस्वारांचा मृत्यू झाला आहे. या व्हिडीओमध्ये तुम्ही पाहू शकता, एक वेगवान दुचाकी रस्त्याच्या मधोमध असलेल्या एसयूव्हीला धडकताना दिसत आहे, त्यानंतर तिचा स्फोट होऊन आगीच्या गोळ्यामध्ये रूपांतर होते. दोन दुचाकीस्वारांमध्ये झालेल्या रेसिंग स्पर्धेदरम्यान हा अपघात झाल्याचे वृत्त आहे. व्हिडीओमध्ये एक SUV चौकात उजवीकडे वळण घेताना दिसत आहे, ज्यामध्ये एक वेगवान दुचाकी वाहनाच्या समोरून जात आहे. यावेळी मागोमाग आणखी एक वेगवान दुचाकी रस्त्याच्या मधोमध असलेल्या एसयूव्हीला धडकते आणि मोठ्या स्फोटानंतर आग पकडते. या धडकेमुळे पांढऱ्या रंगाच्या बोलेरो गाडीतील प्रवासीही जखमी झाले. मात्र, यामध्ये नक्की चूक कुणाची? कारण बाईकस्वारही वेगात येत आहे आणि स्कॉर्पियो चालकानंही मधूनच गाडी काढली आहे. तुम्हीही पाहा व्हिडीओ आणि सांगा यात नेमकं कुणाचं चुकलं?सोशल मीडियावर हा व्हिडीओ @aadharamos नावाच्या एक्स अकाउंटवरून शेअर करण्यात आला आहे. या व्हिडीओवर नेटकरी वेगवेगळ्या प्रतिक्रिया देत आहेत. एकानं म्हटलंय, “सगळ्यांनी गाडी चालवताना काळजी घेतली पाहिजे.”

Leave a Comment